زمان العجايب خالد الفيصل

من أجمل قصايد الأمير خالد الفيصل (دايم السيف)

قصيدة:

زمان العجايب

يا زمان العجايب وش بعد ما ظهر
كل ما قلت هانت جد علمٍ جديد


إن حكينا ندمنا وإن سكتنا قهر
بين قلبٍ عطيب وبين راس عنيد


لو تفيد المدامع كان أسيّل نهر
مير كثر التوجّد والدمع ما يفيد


اصبر ايام واشهر واتصبرّ دهر
وان حصلّ لي مناتي جيت لوني بعيد


ارجي اللـه واراقب كل طالع شهر
يجلي الـهم عني أو عسى ما يزيد


يا غزالٍ فضوح الزّين عنه أشتهر
في عيوني ملاك ووسط قلبي وحيد


مخطي اللي يشبّه وجنتك بالزهر
الزهر ما لـه رماحٍ تصيب وتصيد


لو جحدت المحبة سقم حالي جهر
مير ما كل قلبٍ ياصل اللي يريد

مودتي
انت لي

لو جحدت المحبة سقم حالي جهر
مير ما كل قلبٍ ياصل اللي يريد


صح لسان شاعرها

ابدعتي في نقلك حبيبتي

اشكرك من الاعماق