,,الشخص الذي خانك خاطبه بشعر يليق فيه,,

حبيت إني أسألكم هذا السؤال !!

لو خانك أعز ناسك سواء حبيب أم صديق

فماهي رسالتك لهذا الخائن ؟؟

ماهي الأبيات التي تود أن تنقلها لــــه ؟؟

لا تستغربون ماهو سبب إختياري للخيانه

فقط .. ولكني

أعشق هذا النوع من القصائد

التي تحمل معاني

الفراق , الخيانه , العتاب , الغياب , الجفا !!

وأرجو منكم التفاعل





ارجوك تسكت لا تكلم ولا بحرف
مالك عذر مالك كلام تقوله



ياشيـخ اسف وين بلقي لها صرف
مادام قلبك انكشف لي ميوله



ياماعيوني اذرفت دمعها ذرف
وياماسهرت الليل اشتاق واوله



راحت حياتي وانا من جرف لي جرف
وانا احسب ان الحب هذي اصوله



انا دخيلك ودي اليوم اعرف
وشلون تنساني بهذي السهولة؟؟



هي الخيانه والكذب عندكم عرف
او الوفاء في هذا الزمن ما تطوله


تقبلو طرحي,,

لا ردك الله لا ولا اطلب ترديــن ......ادعي عليك بعثرة فـي صلاتـــــــي

عثره تشلك ما بعدها تقوميـن ......يا قاتلتني يوم صرتي حياتــــــــي

خدان لك بالقلب كانت بساتين ......وريضان وغصونا بها يانعاتـــــــي

كنتي مناة القلب والروح والعين ....واليوم عينك يعلها ما تباتـــــــــي

كنت أحسبك للعهد والحب توفين ..قلتي الغدر بالحب ماهي بسواتــي

وحلفتي يمين الله ما منك اثنتين.......وانك ملاك دون كل البناتـــــــي

وانك على عهد المودة تسيرين ....ولا تسمعين أهل الحسد والوشاتـي

وصار اليمين ستار خلفه توارين .......ورماح غدرك بالخفا مشرعاتـــي

وبان الغدر سم جرى بالشرايين ......الله عسى يسقيك سم الفعاتــــي

كلي سقيتك حب واليوم تنسيـن........تقولين حلم ايام واليوم فاتــــــي

خذتي الهوى لعبه على ما تحبين ......لين عصفت بالهوى عاصفاتـــي

من زينك يا بنت بالشعر تزيين ............ من صورك بابياته الطايلاتـــي

انا من غرامي قلت كانك تذكرين ...... قلت الخجل صاب البدر من مناتـي

وصرتي بشعري في العذاري تباهين.تقولين انا شمس العصر في حلاتي

زينتك بشعري ولا غربك الزين ..........ما زانتك صبغات حمر الشفاتــــي

صورتك بالشعر حزام ورياحين .......واثرك هضاب وشوك ما به هداتـي

رسمتك سحابه خير قطر تنفين .........فزت لك الصحراء زهور ونباتـــي

رسمتك مهاه للجميله تقودين .............واثرك قطيعه وضيعتها الرعاتـي

واثرك غراب يوم سدل الجناحين ......كنت احسب اني شايف لي قطاتي

بالشعر غليتك على كل غاليين ...........واثرك دنيه وتعشقين الدناتـــي

وبالشعر عاتبتك عتاب المحبين .........انا من يسوم الروح لك يا غناتـي

توسلت لك خايف على حب عامين .......عامين لكن في حسابي مئاتــي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات اصل اخلاقهن دانياتي

غاب الولي عنهن ولعبن بحبلين ................يا خس واليهن وخس الولاتي

ما همهن في الناس زين ولا شين ...........وقلوبهن من حقدهن مظلماتي

وقلتي وربك لو يكونا ملايين ..............ما غيرن بالطباعهن من سماتي

تحسبين انك بالمهافه ترقين .................كيف الصعود يكون للهاوياتي

وخنتي وبعتي كل عهد وايامين ............ما عاد يفرق بين ماضي واتي

وصرتي مثل غيرك برخص تبيعين .........يا مرخصتني ما بقى لك غلاتي

صبري نفذ واليوم ثارت براكين .............مظلوم انا وباكر تحل ادعواتي

سمعي عسى من بعدها ما تسمعين ...سمعي دعا من صار قلبه حصاتي

ادعي عسى من ناضرك ما تشوفين ......وتطحن بك الايام طحن الرحاتي

وعساك عوق منه ما عاد تبرين ..............عوق تشافق له قلوب العداتي

ويالله عسى يحتار فيك المداوين ...........تبين الممات ولا يجيك المماتي

ويالله عسى كف الندامه تعضين ..............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين .....وان حصل ادعي عساك الشتاتي

يا بلوة اللي وسط بيته تعيشين ..........ساهي وحوله شب جمر الغضاتي

عسى بعمرك ساعه ما تهنين ..............وتمضي حياتك بين هم وشقاتي

يا بنت قلبي وين مثله تلاقين .................قلبا عطاك الحب ما قال هاتي

جيتك وروحي شلتها لك بكفين ............وفي التاليه رمح الخيانه جزاتي

يالله عساك النار يا أم وجهين ................كله انكشف لا ما تفيد العباتي

ويالله عسى تلبسك جن وشياطين .....وتكونين مدعاة الحكي والشماتي

يا حية رقطا تقود الثعابيــــــن .........باكر تحن ايامك المعتمـــاتي

وباكر على فعلك بمثله تجازين ..............ظلم المشاعر ما تحكمه قضاتي

بيني وبينك تحكم ايام وسنين ............وانا شاهدي قلبا من الغدر ماتي

ويا دمعة التمساح لالا تذرفين .................العيون رغم ادموعها كاذباتي

لا ما عرفتي الحب لا ما تحسين .............وغدرك تعدى غدر ذيب الفلاتي

الذيب يعوي قبل يغدر بمسكين ........وانتي غدرتي خافقي في سباتي

لو كان غدرك في كفوف الموازين ......لكان رجح كل غــــــــــدر البناتي

انتي السبب سقتي على القلب .......جرحين غدر الغرام وموجع الذكرياتي

وانتي السبب واليوم لالا تلومين ....... وان جاك باكر شوفي اشلون يأتي

والله لاكتب وافضحك في دواوين .........وارقص واغني يوم خبر الوفاتي

وارسم لاهل العشق قلبا وسهمين ............وقصة خيانه ما روتها الرواتي

ويمين لانشر فوق اسمك عناوين ........واشهرك من قاصي اليمن للفراتي

ومن غرب هالدنيا الى قاصي الصين .....ديوان غـدر فيه كل اللغـــــــاتي

والبادي اظلم سنة العين بالعين .............والا فذي لا عادتي ولا صفاتي

ويا شبه انسانه برأس ورجلين .............اعوذ بالرحمن منك بصـــــــلاتي

بس انتي غريبه ليهـ تحبين المواضيع هذي الله لايقولها....

خــلك عـلـى صـدك.. تـرى خـاطري طـاب
ودعـتـك الـلـه.. وابـتـعــد لا تـجـيـنــي

مـن صـد .. دون أية عواريـض وأسـبـاب
أنـهـيــت حــبٍ.. صــار بـينـه وبـينـي

حـتـى إيـش.. لـو إنـه مـن أدناة الأقراب
نـفسـي عـزيـزة.. والـعـرب خـابريـنـي

مـانـي عقـب فـرقـاك.. عايش بلا أحـباب
ولانـي عـقـب فـرقـاك عايش حزيـنـي

لا ساهـرٍ لأجـلـك .. ولا الـدمـع سـكــاب
مـن أنـت؟ حتى تـبكـي اليوم عيني

أصبـحـت فـي عـينـي مـثـل باق الأغـراب
إن رحـت والا جـيـت مـا أنـت بظـنيني

وش حـاجـتـي.. لا صـرت بـالـحـب لـعــّاب
حـرام أضـيـّع.. مـعـك بـاقـي سنيني

خـذها بـلا تـسـويـف واحسب لها حساب
نـهـايـة المـقصـود.. فـي كلمـتـيـني

اللـي يـبـي فـرقــاي .. قـدامـه الـبــاب
واللـي يبـيـني فـوق راسـي وعيني

يسلموو شموخ

دائماً ألمس الروعه والجمال هنا لديك

ساحرة هي حروفك
ورقيقة هي كلماتك
ننتظر بوحك العذب

اللي بقى لـي مـع الأيـام .. وفيتـه
والضيق لـو ينهمـر تشربْـه وديانـي

ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي

الخوف -يا من نبشت القلب وادميته-
لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي


صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!

أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي

وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!

من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يا قلب صبرك .. ترى كل شيّ سويتـه
ما كان أفضل من اللي كـان بإمكانـي

لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني

هذه القصيده انتمي اليها كثيرا لذلك نقلتها هنا

انا هنا كتبت عن الجرح وهو الشراره الاولى للغدر والخيانه

اعجبتني فكرتك اختي شموخ مما جعلني ارد عليك بهذه القصيده

اللتي ربما تعطي امل في الحياه الشخص الذي خان لايستاهل ان اخاطبه

فقط الشخص الذي جرح استطيع ان اخاطبه بهذه القصيده

اشكرك اختي شموخ
تقبلي مروري

افوق الوصف مو عن اني احبها او ما احبها بس هي مجرد فكره وحبيت اطرحها لا اكثر ولا اقل

شكرا لمرورك

الله يسلمك حبيبتي

مرورك هو الابداع بحد ذاته

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي


الله الله وش هالابداع

عطرت صفحتي بمرورك